Notre Dame herbesoek 2

Die Notre Dame Parys bly nou eenmaal 'n monument wat deurlopend aandag trek. Selfs, en veral, noudat die restorasieproses op dreef is en die voltooiing teen 2024 in vooruitsig gestel word. 

https://www.friendsofnotredamedeparis.org/reconstruction-progress/

Die beplanning, voorbereiding en toewyding aan die projek is merkwaardig - selfs in die Paryse winter!

Skematiese voorstellings van die aard en

vordering word rondom die Notre Dame

aan die versperring aangebring.  'n

Besoeker kan dus duidelik waarneem hoe

en waar die projek voltrek word.

'n Gedig word opgeroep, in gesprek met die twee wat in

Smee  (2021) voorkom:

Notre Dame, herbesoek 2 (2022)

Dis nou u derde winter in hoësorg,

nog 'n feessseisoen met verminkte lyf.

' n Oopgebrande karkas

waarbinne torakschirurge abseil,

soekend na ankerplekke

om 'n nuwe lewe oor te plant.

' n Ortopeed op elke vloer

gereed om swart splinters

met nuwe spalke te vervang,

op die perseel aanmekaargesit.

Plasties snykundig, die estetika

van maasdraad styf om u gelaat gedraai

om die beenbleek doodsheid te bedek.

En buite sig, by radiologie,

straal soekligte deur kratte materie,

word elke steen in artefak belig

om sy oerplek in te neem.

Kan u moontlik hierdie Kersfees

teen die steierwerk opbeur,

u purper kleed regskuif

en uit die toringrommel

net een ongeskonde ster

afkaats na die dwaalskare

wagtend op u plein?

    - Gerhard Barkhuizen, 2022

60 jaar van stedelike kuns in Parys

 Parys verwelkom kuns vanuit verskeie oorde en genres. In Hôtel de Ville word straatkuns met 'n toegewyde en uitgebreide uitstalling gevier. Hierdie merkwaardige kunsvorm vermy geen omgewing of onderwerp. Ook geen moeite met die dikwels waghalsige uitvoering daarvan nie.

The City of Paris is hosting a major exhibition on urban art through the creations of more than 70 artists such as Invader, Miss Tic, Banksy, Swoon, André... The exhibition draws up for the first time in France a rich and sharp point of this movement, and the importance of the Parisian artistic scene in its development over more than 60 years. The opportunity to see the importance of the artistic stakes of urban art with regard to the investment of public space.

Urban art is honored through the presentation of works from prestigious collections, archival documents, in situ interventions or achievements outside the walls on the scale of the entire city of Paris. The exhibition highlights the history of this artistic movement born in the street and the role of Paris in the emergence of this movement. Urban art continues to invest public space, causing a real visual revolution in the city and thus embodying an artistic commitment to societal issues.

Die kunstenaars aan die werk

Die toerusting/hulpmiddele word treffend uitgestal.

Die Metros en Catacombes word ook nie gespaar nie.

Parys, herbeplan.

Voorstelling van die inname van Parys deur wesens vanuit die buitenste ruim!

Die enigmatiese Banksy is ook teenwoordig.

Musee d' Orsay

Ons trotseer die snerpende lug en besoek Musee d' Orsay. Dit is 'n belewenis, nie net ten opsigte van die unieke kunsversamelings en uitsonderlike samestellings nie, maar veral ook wat die uitleg (https://qrco.de/bd2KPq) en argitektoniese skouspel bied. Van waarde is ook die driedimensionele deursnit skaalmodel van Opéra Garnierhttps://www.operadeparis.fr/en 

Musee d' Orsay, omskep vanuit 'n treinstasie (duidelik herkenbaar uit die onderstaande foto) het sy deure geopen op 9 Desember 1986: https://www.musee-orsay.fr/fr  

Die museum huisves die grootste versameling impressionistiese en post-impressionistiese werke ter wêreld.  

Die spesiale uitstalling van die werke van Edmund Munch is  indrukwekkend - heelwat van die kunstenaar se persoonlike  lewe en belewenis word geopenbaar in meegaande tekste wat die kunswerke vergesel.

Uiteraard is die beeldhouwerke asemrowend, selfs grotesk.

Die ergste koue word later met 'n lekker warm suikersoet crépe afgesluk.

Museé de la Vie Romantique en St Marie des Batignolies

Dit is koud in Parys, maar die moltreine en geboue bly koesterend. Derhalwe twee interessante uittogte uit ons Spartaanse nessie in la Cité. 

Eerstens besoek ons Museé de la Vie Romantique, Hierdie klein museum huisves besondere kunswerke uit die romantiese era wat, onder andere, werke van die veelsydige George Sand uitstal: 

https://qrcode.link/a/xJGEcY 

Die Musée de la Vie Romantique staan aan die voet van Montmartre-heuwel in die 9de arrondissement van Parys, in 'n 1830-hotel. Dit kyk uit op twee tweelingateljees, 'n kweekhuis, 'n klein tuin en 'n geplaveide binnehof.

Ons sluit laatmiddag (alreeds sterk skemer) aan by 'n gehoor

in die Eglise Marie des Batignolies vir 'n besondere

orkesuitvoering. Die koue ten spyt, is die kerk stampvol en

word 'n uitvoering van Schubert en Schumann deur die

waarderende gehoor geniet. 

http://symphonique-clichy.asso.fr/ 

Vinnig, na die uitvoering, word daar na 'n warm baguette gesoek by die naaste boulangerie. 'n Interessante dag word afgesluit met baguette, kaas en rooiwyn.

beeld na woord

Na die uitstalling in November 2019 is daar weer voluit gewerk aan die digbundel. Die tema vir die MA-kursus in Kreatiewe Skryfwerk o.l.v. prof. Joan Hambidge aan die Universiteit van Kaapstad het die wisselwerking tussen beeld en woord opgeroep. Die gevolg was dat die digbundel heelwat ekfrastiese verse ingesluit het. Die oorspronlike, onvoltooide portefeulje gedigte is in die tesis van die studie vervat:

https://open.uct.ac.za/bitstream/handle/11427/29896/thesis_hum_2018_barkhuizen_gerhard_m.pdf?sequence=1&isAllowed 

Die uiteindelike gepubliseerde bundel ( Smee ) is deur Turksvy Uitgewers versorg en uitgegee. Besondere dank vir die oorsig en leiding deur Marlene Malan en Hannes Visser, asook aan Daniel Hugo wat as redakteur van die bundel opgetree het.

Die bundel sien sy lig teen die einde van 2021 en word bekendgestel aan die Hugo Naudé Kunssentrum op 8 Desember 2021.

Die gespreksleier is Daniel Hugo; interessante aspekte rondom die tema van outo-ekfrastiese verse word toegelig. Sommige van die verse word aangevul deur afdrukke van die kunswerke - heelwat geïnspireer deur die vorige besoek aan Parys.

Turksvy Publikasies se embleem - verbeeld.

wisselwerking tussen woord en beeld

Verdere boekbekendstellings volg, o.a op Kleinmond, Hermanus en Barrydale.

Tydens Vers en Klank, onder leiding van Frieda van den Heever, word Smee oor RSG bespreek: https://omny.fm/shows/vers-en-klank/vers-en-klank-25-januarie-2022

Die bundel word ook met die jaarlikse Tuin van Digters by die Breytenbach Sentrum op Wellington bespreek. 

https://www.litnet.co.za/die-elfde-tuin-van-digters-deur-izak-se-lens

https://www.litnet.co.za/program-elfde-tuin-van-digters-op-7-en-8-oktober-2022-by-die-breytenbach-sentrum-in-wellington